Nice yıllardır ser-i kûy-i melâmet bekleriz
Leşker-i sultân-ı 'irfânız velâyet bekleriz
Sâkin-i hâk-i der-i meyhâneyiz şâm u seher
İrtifâ'-ı kadr için bâb-ı se'âdet bekleriz
Cîfe-i dünyâ değil kerkes gibi matlûbumuz
Bir bölük ankâlarız kâf-ı kanâ'at bekleriz
Hâb görmez çeşmimiz endîşe-i ağyârdan
Pâsbânız genc-i esrâr-ı muhabbet bekleriz
Sûret-i dîvâr edüpdür hayret-i 'aşkın bizi
Gayr seyr-i bâğ ider biz künc-i mihnet bekleriz
Kârvân-ı râh-ı tecrîdiz hatar havfın çeküp
Gâhi Mecnûn gâh biz devr ile nevbet bekleriz
Sanmanız kim gîceler bî-hûdedir efgânımız
Mülk-i 'aşk içre hisâr-ı istikâmet bekleriz
Yatdılar Ferhâd ü Mecnûn mest-i câm-ı 'aşk olup
Ey Fuzûlî biz olar yatdıkça sohbet bekleriz
*Sinekli Bakkal & Halide Edip Adıvar
Atlas Yayınevi
Otuz Üçüncü Basım - Şubat 2007
Hiç yorum yok:
Yorum Gönder